DUBAYDA QURANI ƏZBƏRLƏMİŞ MƏHBUSLARIN CƏZA MÜDDƏTİ 15 İL AZALDILACAQDIR

19.04.2004 [23:14]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, Dubayda islah-əmək müəssisələrinin məhbusları üçün nəzərdə tutulan xüsusi mükafatların qalibləri elan edilmişdir. Qaliblər Quranı əzbər öyrənmiş məhbuslar içərisindən seçilmişdir. Müsabiqənin şərtlərinə görə, müqəddəs kitabı əvvəldən-axıradək əzbərləmiş məhbusların cəza müddəti 15 il azaldılır.

Quranın 20 hissəsini (cəmi 30 hissədən ibarətdir) öyrənənlərin cəzası 10 il, 10 hissəsini öyrənən məhbusların cəzası isə 5 il azaldılacaqdır. Ölüm cəzasına məhkum olunanlardan savayı, qalan bütün kişi və qadın məhbuslar mükafat uğrunda mübarizədə iştirak edə bilərlər.

Müsabiqə təşkilatçilarının dediyinə görə, bu il Dubay həbsxanalarında məhbuslardan biri Quranı bütünlüklə, 20 nəfəri onun 20 hissəsini, 13 məhbus isə 10 hissəsini əzbərləmişdir. Onların hamısının cəzasının müddəti müvafiq surətdə azaldılmışdır.

DUBAYDA QURANI ƏZBƏRLƏMİŞ MƏHBUSLARIN CƏZA MÜDDƏTİ 15 İL AZALDILACAQDIR

MÜƏLLİFLƏ ƏLAQƏ

Bölmənin digər xəbərləri