Elektron Təhlükəsizlik Xidməti vətəndaşlara xəbərdarlıq edir
Bakı, 5 iyul, AZƏRTAC
Sosial şəbəkələr vasitəsilə vətəndaşlara müxtəlif tanınmış şirkətlərin adından onlayn qaydada işləməklə gəlir əldə etməyi vəd edən mesajlar göndərilir və həmin şirkətlərin rəsmi internet informasiya ehtiyatına oxşar saxta veb-səhifələr yaradılaraq vətəndaşlardan fərdi məlumatlarını, əsasən də, bank kartı məlumatlarını daxil etmələri tələb olunur.
AZƏRTAC xəbər verir ki, Elektron Təhlükəsizlik Xidməti vətəndaşlara belə mesajlara etimad etməməyi və bu kimi mesajların tərkibindəki keçidlərə daxil olmamağı, bank və digər fərdi məlumatlarını daxil etməməyi tövsiyə edir.
Bölmənin digər xəbərləri
