Elin Ahlin: Bakıda atıcılıq üzrə Avropa çempionatı yüksək səviyyədə təşkil olunub
Bakı, 28 iyul, AZƏRTAC
Bakıda atıcılıq üzrə Avropa çempionatı yüksək səviyyədə təşkil olunub. Belə müasir atıcılıq mərkəzində dünyanın ən güclü idmançıları ilə mübarizə apararaq çempion olmaq böyük xoşbəxtlikdir.
Bu fikirləri Bakıda keçirilən atıcılıq üzrə Avropa çempionatında qadınlar arasında 300 metr məsafəyə tüfənglə atəşaçma yarışının qalibi isveçli Elin Ahlin AZƏRTAC-a müsahibəsində deyib.
Bakı Atıcılıq Mərkəzinin ən yüksək standartlara cavab verdiyini vurğulayan Elin Ahlin bildirib: “Burada idmançılar və qonaqlar üçün hər cür şərait yaradılıb. Məşq yerləri və yarış poliqonu əla vəziyyətdədir. Belə müasir mərkəzdə atıcılıq idmanı üzrə güclü idmançılar yetişə bilər. Yeniyetmə və gənclər bu mükəmməl şəraitdən yaxşı bəhrələnərək gələcəkdə yarışlarda yüksək nəticələr əldə edə bilərlər”.
Bölmənin digər xəbərləri
