Emin Əmrullayev: Xocalı soyqırımı bütün bəşəriyyətin faciəsidir
Tbilisi, 20 fevral, AZƏRTAC
Xocalı soyqırımı yalnız Azərbaycan və azərbaycanlıların deyil, bütün bəşəriyyətin, hər bir insanın faciəsidir. Dünya birliyi günahsız insanların qətlini qəbul etməməli, Xocalı faciəsi ilə bağlı ədalət səsini ucaltmalıdır.
AZƏRTAC xəbər verir ki, bu sözləri Azərbaycanın təhsil naziri Emin Əmrullayev Tbilisidə "Xocalıya ədalət!" adlı sərginin açılış mərasimində söyləyib.
Onun sözlərinə görə, Azərbaycan xalqı 44 günlük Vətən müharibəsi nəticəsində torpaqlarını işğaldan azad edib, ərazi bütövlüyünə qovuşub. Lakin Xocalıda qətlə yetirilən günahsız insanlar unudulmur. “Biz də heç zaman Xocalını unutmayacağıq və unutdurmayacağıq. Dünya birliyi Xocalı soyqırımına düzgün qiymət verməlidir ki, bu cür qətliamlar bir daha təkrarlanmasın”, - deyə E.Əmrullayev vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
