“EŞQ VƏ ÖLÜM”, YAXUD “ÖLÜMLƏ RƏQS EDƏN MƏHƏBBƏT” BALETİ SANKT-PETERBURQDA GÖSTƏRİLƏCƏK
“Kitabi-Dədə Qorqud” dastanının motivləri əsasında yazılmış əsərə Avropa Balet Akademiyasının professoru Vəkil Usmanov quruluş vermişdir. Əsas rolları əməkdar artist Gülağası Mirzəyev, “Qızıl Dərviş” mükafatı laureatı Kamilla Hüseynova, əməkdar artist Yuri Lobaçev, xalq artisti Təranə Muradova və başqaları ifa edəcəklər. Baletin musiqi rəhbəri və dirijoru xalq artisti Cavanşir Cəfərov, quruluşçu rəssamı xalq artisti, dövlət mükafatı laureatı Rafiz İsmayılovdur.
Xatırladaq ki, əsərin ilk tamaşası dekabrın 2-də Azərbaycan Dövlət Akademik Opera və Balet Teatrında olmuşdur.
Bölmənin digər xəbərləri
