Euro-Azia-Az turizm şirkətinin Ağcabədi filialı açılmışdır
Ağcabədi, 27 aprel (AZƏRTAC). Euro-Azia-Az turizm şirkətinin Ağcabədi filialının açılışı olmuşdur.
AZƏRTAC xəbər verir ki, açılış mərasimində rayon icra hakimiyyəti başçısının müavini Cəlal İsgəndərov və şirkətin icraçı direktoru Fuad Muradov son illər respublikamızda əldə olunan sosial-iqtisadi nailiyyətlərdən, turizmin və sahibkarlığın inkişafı üçün yaradılmış şəraitdən danışmış, bütün bunları Prezident İlham Əliyevin apardığı uğurlu siyasətin nəticəsi kimi qiymətləndirmişlər.
Tədbirdə çıxış edən rayon ağsaqqalları aparılan geniş tikinti-quruculuq işlərinə görə dövlətimizin başçısına minnətdarlıqlarını bildirmişlər.
Mərasim iştirakçıları filialda yaradılmış iş şəraiti ilə tanış olmuşlar.
Bölmənin digər xəbərləri
