Fransalı tanınmış futbolçu Litva klubunun sahibi olub
Bakı, 21 aprel, AZƏRTAC
Səudiyyə Ərəbistanının "Əl-İttifaq" komandasının futbolçusu Mussa Dembele özünə klub alıb.
AZƏRTAC xarici mətbuata istinadən xəbər verir ki, 28 yaşlı hücumçu Litvanın "Miniya" klubunun sahibi olub.
Hazırda Litva II Liqasında mübarizə aparan komanda 5 turdan sonra 6 xalla 9-cu pillədə qərarlaşıb.
Qeyd edək ki, Mussa Dembele "Seltik" (Şotlandiya), "Fulhem" (İngiltərə), "Atletiko Madrid” (İspaniya) və “Lion”dakı (Fransa) çıxışları ilə tanınır.
Bölmənin digər xəbərləri
