FUTBOLÇULARIN TRANSFER DÖVRÜ BAŞA ÇATMIŞDIR
AZƏRTAC AFFA-nın saytına istinadla xəbər verir ki, güclülər dəstəsində çıxış edən klubların yay transfer dövrü başa çatmışdır.
Təqdim edilmiş sifariş ərizələri əsasında AFFA tərəfindən klubların transfer etdiyi futbolçuların siyahısı dəqiqləşmişdir.
Hucumçu Quqlielmon Qomeş Valter Fernando “İnter”ə, müdafiəçilər Aftandil Hacıyev, Ayxan Abbasov “Qarabağ”a, yarımmüdafiəçi Andrey Danayev, hücümçu Arif İsayev “Simurq”a, yarımmüdafiəçi Ruslan Poladov, hücumçu Elşən Məmmədov, müdafiəçi Leonardo da Silva Roşa “Standard”a, hücumçu Samir Abdulov “Karvan”a, hücumçu Fərrux İsmayılov, müdafiəçi Elvin Əliyev “Olimpik”ə, yarımmüdafiəçilər Ceyhun Adışirinov, Camal Məmmədov, Azər Cabbarov “Qəbələ”yə, müdafiəçi Orxan Məmmədov, yarımmüdafiəçi Zeynalabdin Hüseynov “Gənclərbirliyi”nə, hücumçu Xalid Muradov və yarımmüdafiəçi Pərvin Mədətov isə “ABN Bərdə”yə transfer edilmişlər.
Bölmənin digər xəbərləri
