Füzuli sakini: Doğma torpağa qayıtdığım üçün çox sevincliyəm
Bakı, 18 avqust, AZƏRTAC
Füzulini heç görməmişəm. Ailəm oradan köçəndə bir aylıq körpə olmuşam. Doğma torpağa qayıtdığım üçün çox qürurluyam.
Bunu AZƏRTAC-a açıqlamasında Füzuli sakini Araz Əliyev deyib.
Bu sevinci onlara yaşatdığı üçün Prezident, Müzəffər Ali Baş Komandan İlham Əliyevə və şanlı Ordumuza təşəkkürünü ifadə edən A.Əliyev bildirib: "Yeni ailə həyatı qurmuşam. Şuşa Humanitar Kollecində musiqi təhsili almışam. Füzulidə ixtisasım üzrə işləyəcəyəm. İnanıram ki, hər şey ürəyimizcə olacaq”.
Qayıdış sevincində böyük payı olan şəhidlərimizə Tanrıdan rəhmət diləyən Araz Əliyev qazilərimizə cansağlığı arzulayıb.
Bölmənin digər xəbərləri
