GƏDƏBƏYDƏ KARTOF EMALI MÜƏSSİSƏSİ TİKİLƏCƏK
Gədəbəy rayonunda aparılan uğurlu islahatlar nəticəsində kartof istehsalının həcmi əvvəlki illərə nisbətən xeyli artırılmışdır. Bu sahəyə göstərilən diqqət və qayğının nəticəsidir ki, təkcə keçən il əkin sahələrinin həcmi artırılaraq 12 min 625 hektara çatdırılmış və nəticədə əvvəlki illərdən fərqli olaraq xeyli çox – 151 min 500 tona yaxın məhsul istehsal edilmişdir. Rayon icra hakimiyyətində AZƏRTAC-ın müxbirinə demişlər ki, kartof istehsalını artırmaq üçün rayonda hər cür imkan və şərait vardır. Dövlət qayğısı ilə əhatə olunmuş adamlarda işgüzarlıq əhval-ruhiyyəsi də xeyli yüksəlmişdir. Odur ki, bu vacib ərzaq məhsulunun istehsalını artırmaqla yanaşı, yeni kartof emalı müəssisəsinin inşası da nəzərdə tutulmuşdur. Hazırda qardaş Türkiyənin iş adamları ilə danışıqlar aparılır.
Bölmənin digər xəbərləri
