GƏNC İDMANÇILAR DÜNYA AZƏRBAYCANLILARININ HƏMRƏYLİYİ GÜNÜNƏ HƏSR OLUNMUŞ TURNİRDƏ GÜCLƏRİNİ SINAMIŞLAR
AZƏRTAC xəbər verir ki, dekabrın 28-də Azərbaycan Texniki Universitetin idman sarayında Dünya Azərbaycanlılarının həmrəyliyi gününə həsr olunmuş kyokuşin karate idmanı üzrə yarışa start verilmişdir.
Dünya Azərbaycanlıları Konqresinin Azərbaycan nümayəndəliyinin və “Samuray” idman klubunun təşəbbüsü ilə keçirilən turnirdə paytaxtın 10 klubunu, eləcə də Zaqatala və Qax rayonlarını təmsil edən 10-17 yaşlı idmançılar güclərini sınamışlar.
Yarışın qalibləri kubok və diplomlarla mükafatlandırılmışlar.
Bölmənin digər xəbərləri
