“Gəncə” basketbol komandasının baş məşqçisi: Çox çətin dövrdən keçirik
Bakı, 15 mart, AZƏRTAC
Komandamı qələbə münasibətilə təbrik edirəm. İnşallah, ən yaxşı şəkildə çempionatı başa vuracağıq.
AZƏRTAC xəbər verir ki, bunu “Gəncə” komandasının baş məşqçisi Halil Atlı Azərbaycan Basketbol Liqasının XVIII turunda evdə “Ordu”ya 84:74 hesabı ilə qalib gəldikləri oyundan sonra deyib.
Türkiyəli mütəxəssis bildirib: “Çox çətin dövrdən keçirik. Ardıcıl oyunlara çıxırıq. Yaxın günlərdə bizim üçün vacib daha bir matç olacaq. "Ordu" təhlükəli rəqibdir. Bu gün oyuna yaxşı başladıq. Basketbolçulara öncədən verdiyimiz tapşırıqları meydanda yaxşı yerinə yetirdilər. Görüşün irəliləyən bölümündə rəqib də qarşılıq verdi. Amma biz oyunun qırılma nöqtəsinə gəlməsinin qarşısını ala bildik. Meydançada lazım olan işləri gördük. Nəticədə də qalib gəldik. Azarkeşlərimizə minnətdarlığımı çatdırıram. Bizi yenə dəstəksiz qoymadılar. Onların dəstəyi bizim üçün çox önəmlidir".
Bölmənin digər xəbərləri
