Gənclər Təşkilatları Milli Şurasında Xocalı soyqırımı ilə bağlı tədbir keçirilmişdir
Bakı, 26 fevral (AZƏRTAC). Xocalı soyqırımının 19-cu ildönümü Azərbaycan Respublikası Gənclər Təşkilatları Milli Şurasında (ARGTMŞ) qeyd edilmişdir.
AZƏRTAC xəbər verir ki, Xocalı qurbanlarının xatirəsinə ucaldılmış abidə ziyarət edildikdən sonra Milli Şuranın katibliyi anma mərasimi keçirmişdir. Məlumat verilmişdir ki, Xocalı faciəsi ilə bağlı silsilə tədbirlər bundan sonra da davam edəcəkdir. Fəaliyyət planında Xocalı faciəsi haqqında maarifləndirmə sahəsində fəaliyyət göstərən təşkilatlarla işin gücləndirilməsi, soyqırımı ilə bağlı rolikin hazırlanması, Xocalıdan olan gənclərlə katibliyin görüşü, təşkilatda onların fəaliyyətinin genişləndirilməsi, Milli Şuranın beynəlxalq əlaqələrindən istifadə edərək Azərbaycan həqiqətlərinin dünya ictimaiyyətinə çatdırılması nəzərdə tutulmuşdur.
Bölmənin digər xəbərləri
