HƏKİMLƏR MARADONAYA DƏLİ KÖYNƏYİ GEYDİRMƏYƏ MƏCBUR OLMUŞLAR
AZƏRTAC-ın İTAR-TASS agentliyinə istinadla verdiyi xəbərə görə, xüsusi bərpa mərkəzinin həkim-narkoloqları mayın 9-dan burada saxlanılan Diyeqo Maradonaya dəli köynəyi geydirməyə məcbur olmuşlar. Futbol superulduzu hazırda kəskin narkotik psixoz vəziyyətindədir və həkimlər onu “ram etmək” üçün müxtəlif sakitləşdirici preparatlara əl atırlar.
Maradonanın yanına həkimlərdən başqa, yalnız onun valideynlərini, keçmiş həyat yoldaşını və qızlarını buraxırlar. Maradonanın narkotik asılılıqdan müalicəyə ciddi ehtiyacı var və buna görə də o, doğmalarının xahişi ilə bərpa mərkəzinə qoyulmuşdur. Sənədləri məşhur futbolçunun keçmiş arvadı, valideynləri və qardaşları imzalamışlar.
Bölmənin digər xəbərləri
