“Heydər zirvəsi”nə təşkil olunmuş yürüşlərdə 263 nəfər iştirak etmişdir
Bakı, 15 may (AZƏRTAC). Azərbaycan xalqının ümummilli lideri Heydər Əliyevin anadan olmasının 89-cu ildönümü münasibəti ilə Şahdağ Milli Parkının ərazisindəki “Heydər zirvəsi”nə təşkil olunmuş yürüşlərdə 263 nəfər iştirak etmişdir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, yürüş iştirakçılarının 223-ü Azərbaycan Hava və Ekstremal İdman Növləri Federasiyasının, 31-i Respublika Alpinist Klubunun, 6-sı Bakı Dağçılıq İdman Klubunun, 3-ü isə Azərbaycan Alpinizm Federasiyasının idmançıları olmuşdur.
Bölmənin digər xəbərləri
