“İNTERYER-DİZAYN” ŞİRKƏTİ KEYFİYYƏTƏ XÜSUSİ DİQQƏT YETİRİR
Şirkətdən AZƏRTAC-ın müxbirinə bildirmişlər ki, respublikamızda ofis mebeli istehsalı üzrə ixtisaslaşmış ilk müəssisələrdən olan “İnteryer-Dizayn”da İtaliya, İspaniya, Almaniyadan gətirilmiş müasir avadanlıqla işləyir, dünya standartlarına cavab verən məhsul buraxırıq. Aksessuarları Almaniyanın məşhur “Hafele Ltd”, digər xammalı Türkiyənin “Roma plastik”, İngiltərənin “Ney Ltd” şirkətlərindən alırıq. Fəaliyyət göstərdiyimiz altı ildən artıq bir müddətdə Bakı şəhərində, müxtəlif bölgələrdə çoxsaylı nazirlik və müəssisələrin, beynəlxalq təşkilatların sifarişinə əsasən, keyfiyyəti və estetik görkəmi ilə fərqlənən mebel hazırlamışıq. 2003-cü ildə əvvəlki ildəkindən 200 milyon manatlıq çox ofis və mətbəx mebeli istehsal etmişik. İndiyədək bu məhsulun 1 milyard 76 milyon manatlığını sata bilmişik.
“İnteryer-Dizayn” şirkətində istehsal olunmuş mebellərə 2 il keyfiyyət təminatı verilir və bundan sonra 3 il müddətində güzəştli xidmət təklif olunur.
İyirmi nəfərdən artıq işçinin çalışdığı müəssisədə orta aylıq əmək haqqı 300 min manatdır.
Bölmənin digər xəbərləri
