İranda 100 min məhkum müvəqqəti olaraq azadlığa buraxılıb
Tehran, 30 mart, AZƏRTAC
İranda müvəqqəti olaraq 100 min məhkum azadlığa buraxılıb.
AZƏRTAC xəbər verir ki, bu barədə İranın məhkəmə hakimiyyətinin nümayəndəsi Qulamhüseyn İslami məlumat verib. O bildirib ki, koronovirusun geniş yayılması ilə əlaqədar olaraq məhkumlar müvəqqəti olaraq evlərinə buraxılıb. Onun sözlərinə görə cəzaçəkmə müəssisələrinə virusun keçməsinin qarşısını almağın yeganə yolu buradakı məhkumları azadlığa buraxmaqdır.
İranın insan hüquqları üzrə qərargahı isə bəyan edib ki, bu təcrübəni digər dövlətlərlə bölə bilər. Bəyanatda deyilir ki, məhkumların hüquqlarının müdafiəsi və virusdan qorunması üçün məhkumlar xüsusi proqram əsasında müvəqqəti olaraq azadlığa buraxılıblar.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
