İranda koronavirusdan ölənlərin sayında yenidən artım müşahidə edilir

01.03.2021 [16:19]
Çap et
A⁺ A^-

Tehran, 1 mart, AZƏRTAC

İranda koronavirusa yoluxaraq ölənlərin sayında yenidən artım müşahidə edilir. Son sutka ərzində İranda koronavirusa 8 min 510 nəfər yoluxub, 108 nəfər isə ölüb.

AZƏRTAC xəbər verir ki, bu barədə məlumatı İranın Səhiyyə Nazirliyinin mətbuat katibi Sima Səadət Lari Tehranda keçirdiyi gündəlik mətbuat konfransında deyib. Onun sözlərinə görə bununla da İranda yoluxanların ümumi sayı 1 milyon 639 min 679 nəfərə, yoluxaraq ölənlərin sayı isə 60 min 181-ə çatıb.

Xüsusi xəstəxanalarda müalicə alan 3 min 727 xəstənin vəziyyəti ağır olaraq qalır. Bununla yanaşı 1 milyon 399 min 934 xəstə sağalaraq evə buraxılıb.

Rabil Kətanov

AZƏRTAC-ın xüsusi müxbiri

Tehran