İraq hökuməti İsveçlə diplomatik münasibətləri kəsə bilər
Bakı, 20 iyul, AZƏRTAC
İraq hökuməti Stokholmda Quranın yandırılması ilə bağlı aksiyanın təkrarlanacağı təqdirdə İsveçlə diplomatik əlaqəni kəsəcəyi barədə krallığı məlumatlandırıb.
AZƏRTAC xəbər verir ki, bu barədə İraq Baş nazirinin mətbuat xidməti məlumat yayıb.
İraqın Baş naziri Məhəmməd əs-Sudani İsveç hakimiyyətinin müqəddəs kitabın yandırılması ilə bağlı yeni aksiyaya icazə verməsi və bu səbəbdən krallığın Bağdaddakı səfirliyinə hücum edilməsi fonunda təcili iclas keçirib. İclas iştirakçıları səfirliyin yandırılmasını qınayıb.
Qeyd edək ki, Stokholm polisinin ərəb respublikasının səfirliyi qarşısında Quranın yandırılması ilə bağlı aksiyaya icazə verməsinə etiraz olaraq iyulun 20-nə keçən gecə yüzlərlə etirazçı İsveçin Bağdaddakı səfirliyinə hücum edib. Etirazçılar səfirlik binasını yandırıb və nəticədə krallığın diplomatik missiyası fəaliyyətini dayandırıb.
Bölmənin digər xəbərləri
