İRAQA GÖNDƏRİLƏN CƏNUBİ KOREYA HƏRBÇİLƏRİ ARASINDA İSLAMI QƏBUL EDƏNLƏRİN SAYI ARTIR

29.05.2004 [21:58]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, İraqa göndərilmiş Cənubi Koreya hərbi kontingentinin komandanlığı mayın 29-da islamı qəbul edən hərbi qulluqçuların sayının artdığını açıqlamışdır. Son vaxtlar 37 əsgər islam dinini qəbul etmiş, ümumən isə, 51 nəfər müntəzəm surətdə məscidə gedir. Hərbi rəhbərliyin sözlərinə görə, indiyədək ateist olan həmin əsgərlər islamı kifayət qədər çoxdan, müqəddəs Qurani-Kərimi oxumaqla dərk etməyə başlamış və bu yola gəlmişlər. İraqa getməyə hazır olduqlarını bildirən yeni müsəlmanlar istərdilər ki, yerli əhali onların bu ölkəyə hümanitar məqsədlə gəldiklərini və öz fəaliyyətlərində islam dini qanunlarını rəhbər tutacaqlarını başa düşsün.

Cənubi Koreya komandanlığı müsəlman hərbçilərə mane olmur, lakin onlara çox imkan da vermir. Yüksək rütbəli zabitlərdən biri demişdir: ”Biz ümid edirik ki, onların iraqlıların mədəniyyətini dərk etməsi Yaxın Şərq ölkəsində bərpa işlərinin irəliləməsində yaxşı nəticələr verəcəkdir”.

Rəsmi Seul bu yay İraqın şimalında təqribən 3,6 min əsgər və zabit yerləşdirmək niyyətindədir. Hazırda Fars körfəzi zonasında təxminən 460 nəfər Cənubi Koreya hərbi mühəndisi və tibb işçisi çalışır.

İRAQA GÖNDƏRİLƏN CƏNUBİ KOREYA HƏRBÇİLƏRİ ARASINDA İSLAMI QƏBUL EDƏNLƏRİN SAYI ARTIR

MÜƏLLİFLƏ ƏLAQƏ

Bölmənin digər xəbərləri