İstismar qabiliyyətini davam etdirə bilməsi məqsədilə “Dərinsulu Günəşli” platformasına baxış keçirilib
Bakı, 20 iyul, AZƏRTAC
Qəza-xilasetmə gəmisinin növbətçi heyət üzvü “Dərinsulu Günəşli” platformasına baxış keçirib.
AZƏRTAC “BP-Azərbaycan”a istinadla xəbər verir ki, “Dərinsulu Günəşli” Xəzər dənizinin Azərbaycan sektorundakı “Azəri-Çıraq-Günəşli” (AÇG) yatağının işlənməsinin üçüncü fazasıdır. Platformanın təhlükəsiz, etibarlı və ətraf mühitə ziyan vurmadan uzun müddət istismar qabiliyyətini davam etdirə bilməsi məqsədilə aparılmış bu prosedur tam təhlükəsiz şəkildə və vaxtında başa çatdırılıb.
Qeyd edək ki, “Dərinsulu Günəşli” kompleksi “Günəşli” yatağının şərqində yerləşir. Platformadan ilk hasilat başlanandan etibarən, ümumilikdə, 620 milyon barel (84 milyon ton) neft hasil olunub. Ötən il AÇG-də ümumilikdə 141 neft hasilat quyusu, 41 su injektor quyusu və 8 qaz injektor quyusu istismarda olub.
Bölmənin digər xəbərləri
