İSVEÇRƏNİN BERN ŞƏHƏRİNDƏ AZƏRBAYCAN GECƏSİ KEÇİRİLMİŞDİR

29.06.2009 [19:15]
Çap et
A⁺ A^-

Bakı, 29 iyun (AZƏRTAC). İyunun 28-də İsveçrənin Bern şəhərindəki Mədəniyyətlər və Tədris Mərkəzində Azərbaycan gecəsi keçirilmişdir.

Diasporla İş üzrə Dövlət Komitəsindən bildirmişlər ki, Azərbaycanlıların İsveçrədəki Mədəniyyət Mərkəzinin (AİMM) təşkil etdiyi gecə xalqımızın zəngin mədəniyyətinin təbliği məqsədi daşımışdır.

Bern şəhərindəki Mədəniyyətlər və Tədris Mərkəzinin təşəbbüsü ilə keçirilən və yalnız isveçrəli qonaqların dəvət olunduğu tədbirdə AİMM-in rəhbəri Qasım Nəsirov Azərbaycanın qədim və zəngin mədəniyyəti, milli musiqisi barədə ətraflı məlumat vermiş, xüsusilə də Azərbaycan rəqslərinin incəliklərini iştirakçılara izah etmiş, bir neçə rəqsimizin tarixindən söz açmışdır. Qonaqlara məlumat verilmişdir ki, Azərbaycanla bağlı daha ətraflı məlumatı AİMM-in internet saytından almaq olar.

Sonaxanım Əliyeva qonaqlara “Qaval”, “Tərəkəmə” və “Ağ çiçəyim” rəqslərini təqdim etmişdir.

######