İtaliya A Seriyasının 26-cı turuna yekun vurulub
Bakı, 10 mart, Nicat Məmmədov, AZƏRTAC
Martın 9-da İtaliya A Seriyasının 26-cı turuna yekun vurulub.
AZƏRTAC xəbər verir ki, turun son oyun günündə “Sassuolo” öz meydanında “Breşiya” komandasını qəbul edib.
Görüş meydan sahiblərinin 3:0 hesablı qələbəsi ilə başa çatıb.
Modena təmsilçisinin heyətində Françesko Kaputo (2) və Ceremi Boqa fərqləniblər.
“Sassuolo” 32 xalla 11-ci, “Breşiya” isə 16 xalla sonuncu - 20-ci yerdə qərarlaşıb.
İyirmi altı turdan sonra aktivində 63 xal olan “Yuventus” turnir cədvəlində liderdir. Ondan bir xal az toplayan “Latsio” ikinci, 54 xala malik “İnter” isə üçüncü yerdə qərarlaşıb. Digər pillələrdə müvafiq olaraq “Atalanta” (48), “Roma” (45), “Napoli” (39), “Milan” (36), “Verona” (35) və “Parma” (35) qərarlaşıblar.
A Seriyasının növbəti turu martın 13-dən 15-dək oynanılacaq.
Bölmənin digər xəbərləri
