İtaliyanın 10 şəhərində hava şəraiti ilə əlaqədar sarı xəbərdarlıq verilib
Roma, 21 iyun, AZƏRTAC
İtaliyanın 10 şəhərində hava şəraiti ilə bağlı sarı xəbərdarlıq elan edilib.
AZƏRTAC xəbər verir ki, paytaxt Romada, həmçinin Bolzano, Kampobasso, Florensiya, Frozinone, Latina, Neapol, Peruccia, Rieti və Turində qeyri-sabit hava şəraitinin müşahidə olunacağı bildirilib. Ölkənin şimalında güclü tufan və fırtına gözlənilir.
Şimali Afrika antisiklonunun güclənməsi səbəbindən ölkənin mərkəzi-cənub bölgələrində isə yeni istilik dalğası müşahidə edilir, bəzi bölgələrdə havanın temperaturunun 40-41 dərəcəyə çatacağı proqnozlaşdırılır.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
