İtaliyanın müdafiə naziri: NATO dəyişmiş zamana uyğunlaşmalıdır
Roma, 21 iyun, AZƏRTAC
Zaman dəyişir, NATO da dəyişməlidir. Bir vaxtlar ABŞ və Avropa mərkəz idi, bu gün artıq deyillər. NATO dəyişmiş zamana uyğunlaşmalıdır.
AZƏRTAC xəbər verir ki, bunu İtaliyanın müdafiə naziri Quido Krosetto deyib.
“Əgər NATO sülhü və qarşılıqlı müdafiəni təmin etmək üçün yaranıbsa, ya dünyanın cənubu ilə dialoq quraraq bu vəzifəni üzərinə götürən bir təşkilata çevriləcək, ya da hər kəsə şamil olunan qaydalar çərçivəsində təhlükəsizliyi təmin etmək məqsədinə nail ola bilməyəcəyik. Biz böyük demokratiyalar dövründən böyük dövlətlərin dövrünə keçdik. Beynəlxalq hüququ kodifikasiya etməyə vadar edən min illərin fəthlərini qorumağa borcluyuq”, - deyə nazir vurğulayıb.
Quido Krosetto bildirib ki, bu gün güc yeni alətlərlə ölçülür: “Kim texnologiyanı idarə edirsə, o, dünyaya rəhbərlik edir. Təhlükəsizlik strateji resurslara nəzarətdən, təchizat zəncirlərindən gəlir. Biz inqilabın “qəlbindəyik” - qlobal balansları, inkişaf modellərini, hətta suverenlik ideyamızı yenidən yazan rəqəmsal düzən. Avropa bütün bunlarda geridə qala bilməz. Tədqiqat və innovasiyaya baxış, iradə və konkret investisiyalara ehtiyacımız var”.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
