COP29
Kamerunlu nümayəndə COP29-da qurulan əlaqələrin iqlim dəyişikliyi ilə mübarizədə əhəmiyyətindən danışıb
Bakı, 14 noyabr, AZƏRTAC
Azərbaycanda keçirilən COP29-dan çox məmnunam. Düşünürəm ki, bu tədbir nəticəsində müəyyən irəliləyişlər baş verir.
Bu sözləri AZƏRTAC-a müsahibəsində COP29-un iştirakçısı, Kamerunda Beynəlxalq Ekoloji Təhsil və İcmanın İnkişafı Mərkəzinin (ICENECDEV) həmtəsisçisi və baş koordinatoru Fonqo Erik söyləyib.
“Digər ölkələrlə əməkdaşlıq çərçivəsində iqlim fəaliyyətlərini inkişaf etdirməklə bağlı xeyli işlər görə bilərik. Havanın çirkləndirilməsinin qarşısı alınmalıdır. Aqromeşə təsərrüfatı ilə bağlı bir sıra layihələrimiz var. İnanıram ki, COP29-da qurduğumuz əlaqələr iqlim dəyişikliyi ilə mübarizədə gələcəyimizə müsbət təsir edəcək. Bununla bağlı ölkəmizə qayıtdığımız zaman yeni layihələri həyata keçirməyi və burada öyrəndiklərimizi tətbiq etməyi səbirsizliklə gözləyirəm”, - deyə o bildirib.
