Keçmiş məcburi köçkün: Hər birimiz bu günü gözləyirdik
Bakı, 15 mart, AZƏRTAC
Doğma yurda qayıtmaq, oranı yenidən görmək çox sevindiricidir. Sonuncu dəfə orada 5 yaşımı qeyd etmişik, indi isə 36 yaşım var. Bundan sonra, inşallah, doğum günlərimi orada qeyd edəcəyəm.
AZƏRTAC xəbər verir ki, bu sözləri martın 15-də Füzuli şəhərinə köç edən keçmiş məcburi köçkün Elçin İsmayılov deyib.
Ailə üzvləri ilə birlikdə qayıtdığını bildirən Füzuli sakini bu günü onlara yaşadanlara minnətdarlığını bildirib: “Şükür ki, bu gün bütöv bir ailə olaraq doğma yurda qayıdırıq. Atam, anam və mən - hər birimiz bu günü gözləyirdik. Allah ümidlərimizi doğruldan Prezident İlham Əliyevə uzun ömür, qazilərimizə cansağlığı versin. Şəhidlərimizin ruhu şad olsun!”.
Bölmənin digər xəbərləri
