Kəlbəcərdə turizm və rekreasiya zonalarının yaradılması nəzərdə tutulub
Bakı, 22 iyul, AZƏRTAC
Kəlbəcərdə turizm və rekreasiya zonalarının yaradılması nəzərdə tutulub.
Bu barədə AZƏRTAC-a açıqlamasında Dövlət Turizm Agentliyi sədrinin müşaviri Kənan Quluzadə bildirib.
Kənan Quluzadə qeyd edib ki, Qarabağ bölgəsinin turizm potensialı, turizm marşrutları, tarixi abidələri göstərilməlidir ki, biz bu bölgəni, doğrudan da dünya üçün çox cəlbedici bölgə kimi təqdim edək. “İşğaldan azad edilmiş ərazilərin geniş turizm potensialı nəzərə alınaraq, Dövlət Turizm Agentliyi tərəfindən bir sıra istiqamətdə layihələr reallaşdırılır. Belə istiqamətlərdən biri də Kəlbəcərdi. Burada turizm və rekreasiya zonalarının yaradılması nəzərdə tutulub. Kəlbəcərin çox böyük və zəngin turizm potensialı var. Layihələr çoxdur. İstisuyun bərpası və turistlərin bura cəlb olunması da gündəmdə olan məsələdir”, - deyə Agentlik nümayəndəsi bildirib.
K.Quluzadə diqqətə çatdırıb ki, işğaldan azad olunmuş ərazilərdə turizmin inkişafına müxtəlif yanaşmalar var. Bu, həm rayonlar üzrədir, həm də mövzular üzrə, misal üçün, xalçaçılıq, mətbəxlə bağlı, muğam ilə əlaqəli inkişafdır. Layihələr hələ ki, müzakirə mövzusudur, ancaq artıq bu istiqamətdə ilk addımlar atılıb.
Bölmənin digər xəbərləri
