Klodet Düamel: Fransanın “qətiyyətli siyasət” dediyi bizim ləyaqətimizi alçaltmaqdır
Bakı, 6 iyul, AZƏRTAC
Fransanın “qətiyyətli siyasət” dediyi bizim ləyaqətimizi alçaltmaqdır. Bunlar bizi belə bir inanca gətirib çıxarıblar ki, guya biz insan varlığı deyilik, yarıminsanıq.
AZƏRTAC xəbər verir ki, bu sözləri jurnalistlərə müsahibəsində Müstəqil Martinika naminə Ekoloqlar və Demokratlar Hərəkatının nümayəndəsi Klodet Düamel deyib.
"Yaşlı nəsil də “qətiyyətli” siyasətin qurbanı olur, bu düşüncəyə inanır, gələcək nəslə bu fikri ötürür. Nəticədə gənc nəsil də bu düşüncədə, mədəniyyətdə, dünya görüşündə yetişir. Belə olan halda, onlar öz suverenliyini, müstəqilliyini anlamırlar. Bu da Fransanın xalqlar üzərində dominantlığına şərait yaradır", - deyə Martinika nümayəndəsi qeyd edib.
O bildirib ki, xalqın ləyaqəti Fransa üçün alış-veriş predmetinə çevrilir. “Yerli xalq öz torpaqlarının sahibi deyil. Bizim mədəniyyətimiz, təhsilimiz, dilimiz, iqtisadiyyatımız Fransanın təsiri altındadır. Yerli xalq olaraq itirilmiş hüquqlarımızı bərpa etmək üçün digər xalqlarla birgə mübarizəyə qoşulmalıyıq və bu cür tədbirlər bizi birləşdirməkdə rol oynaya bilər", - deyə o əlavə edib.
Bölmənin digər xəbərləri
