Komitə sədri: Mövcud problemlərin qarşısının alınmasında mətbuatla əlaqələr çox vacibdir
Bakı, 19 iyul, AZƏRTAC
Azərbaycanda mətbuatın özünəməxsus ənənələri vardır. Ölkəmizdə mətbuatın əsasını qoyan Həsən bəy Zərdabinin ardıcılları öz işlərinin öhdəsindən layiqincə gəlirlər.
AZƏRTAC xəbər verir ki, bu fikirləri Ailə, Qadın və Uşaq Problemləri üzrə Dövlət Komitəsinin sədri Bahar Muradova “Ailə, qadın, uşaq məsələləri mediada” mövzusunda iyulun 19-da keçirilən tədbirdə deyib.
O qeyd edib ki, Ailə, Qadın və Uşaq Problemləri üzrə Dövlət Komitəsi mətbuatla sıx əlaqələrə xüsusi əhəmiyyət verir. Komitə sədrinin sözlərinə görə, mövcud problemlərin ictimaiyyətə çatdırılması və bu problemlərin qarşısının alınmasında mətbuatla əlaqələr çox vacibdir.
“Bu il komitə tərəfindən 115 mətbuat orqanının müraciətinə baxılıb. Sosial şəbəkələr vasitəsilə də komitəyə müraciətlər daxil olub. Biz media ilə əlaqələrin daha da genişləndirilməsini diqqətdə saxlayacağıq”, - deyə Bahar Muradova qeyd edib.
Bölmənin digər xəbərləri
