Konqoda üsyançılara qarşı həyata keçirilən əməliyyatlarda 548 nəfər öldürülüb
Bakı, 18 avqust, AZƏRTAC
Uqanda ordusu tərəfindən Konqonın şimalında üsyançı Demokratik İttifaq Gücləri (ADF) təşkilatının üzvlərinə qarşı əməliyyat həyata keçirilib.
AZƏRTAC xarici KİV-lərə istinadən xəbər verir ki, bu barədə Konqodakı əməliyyatların sözçüsü Bilal Katamba açıqlama verib.
Açıqlamada ADF-ə qarşı həyata keçirilən əməliyyatların davam etdiyini bildirən Katamba bu vaxtadək əməliyyatlarda 548 üsyançının öldürüldüyü, 50-nin həbs edildiyi, 31-nin tərk-silah edildiyi diqqətə çatdırılıb.
Əməliyyatların Uqanda ordusu tərəfindən həyata keçirildiyini qeyd edən Katamba bu müddət ərzində ölən hərbçilərin olub-olmaması ilə bağlı məlumat verməyib.
Bölmənin digər xəbərləri
