KORDOVA KİLSƏSİ YENİDƏN MƏSCİD OLA BİLƏR

20.04.2004 [15:53]
Çap et
A⁺ A^-

AZƏRTAC Londonda çıxan “Qardian” qəzetinə istinadla xəbər verir ki, İspaniya müsəlmanları ölkənin cənubunda yerləşən və Rekonkistaya qədər ən iri mədəniyyət mərkəzlərindən biri olan Kordova şəhərinin baş kilsəsində namaz qılmalarına icazə verilməsi xahişi ilə Roma katolik kilsəsinə müraciət etmişlər. Kilsə vaxtilə Kordova xilafətinin fəxri olan məscidin həyətində tikilmişdir. Mehrab kilsədən kənarda yerləşdiyindən müsəlmanlar orada, xristian mərasimlərinə mane olmadan, ibadət edə bilərlər.

İspaniyanın cənubunda yaşayan müsəlman icmasının sayı həm Şimali Afrikadan gələnlərin hesabına, həm də yerli ispaniyalıların islam dinini qəbul etmələri nəticəsində get-gedə çoxalır. Hazırda Kordovada 500-dən artıq müsəlman yaşayır və namaz qılmaq istəyənlərin hamısı şəhərdəki məscidə sığışmır.

İspaniya müsəlmanları icmasının liderləri deyirlər ki, onların məqsədi üç İbrahim konfessiyası - uidaizm, xristianlıq və islam nümayəndələri arasında təfriqə salmaq yox, anlaşma yaratmağa nail olmaqdır. Çoxillik danışıqlardan sonra ötən il Qrenadada açılmış Təkva məscidinin imamı Zəkərias Maza deyir: “Kordova yüzilliklər ərzində üç mədəniyyətin birliyinin rəmzi olmuşdur. Hətta indinin özündə də yəhudilər və müsəlmanlar məscidin ətrafında xristianlarla qonşuluqda yaşayırlar”.

KORDOVA KİLSƏSİ YENİDƏN MƏSCİD OLA BİLƏR

MÜƏLLİFLƏ ƏLAQƏ

Bölmənin digər xəbərləri