LONDONDA AZƏRBAYCAN DİLİNDƏ NƏŞR OLUNAN “ARAZ” QƏZETİNİN NÖVBƏTİ SAYI İŞIQ ÜZÜ GÖRMÜŞDÜR
London, 20 sentyabr (AZƏRTAC). Londonda Azərbaycan dilində nəşr edilən “Araz” qəzetinin sentyabr sayı isıq üzü görmüşdür.
Qəzetin bu sayında üc il bundan öncə - 2006-cı il sentyabrın 15-də fəaliyyətə başlaması haqqında yazını -“Olduqca agır, lakin zövqlü üç il” məqaləsini oxuyacaq, Əzizə Mustafazadənin London səfəri, Britaniya mediasının Azərbaycanla bağlı yazdıqları və Britaniyadakı Azərbaycan icmasının fəaliyyətini əks etdirən xəbərlərlə tanış ola bilərsiniz.
Qəzetdə yeni açılmış “Karikatura” və “Səyahət” rubrikaları da maraqlıdır.
Qeyd edək ki, “Araz Azerbaijan” qezeti Londonda 2006-ci ildə bir qrup azərbaycanlı gəncin təşəbbüsü ve Britaniya paytaxtındakı musiqi məktəbinin direktoru Hicran Seyidovanın dəstəyi ilə nəşrə başlamışdır. 3000 tirajla nəşr edilən qəzet, əsasən Londonda, eyni zamanda Avropanın bəzi bölgələrində və Azərbaycanda yayılır.
Bölmənin digər xəbərləri
