Masallıda Meşə Mühafizəsi və Bərpası Müəssisəsinin Qəriblər meşəbəyliyində yanğın hadisəsi baş verib
Bakı, 11 avqust (AZƏRTAC). Masallı Meşə Mühafizəsi və Bərpası Müəssisəsinin Qəriblər meşəbəyliyinin 6A saylı dolayında yanğın hadisəsi baş verib.
Ekologiya və Təbii Sərvətlər Nazirliyindən AZƏRTAC-a bildirdilər ki, naməlum səbəblərdən baş vermiş yanğın hadisə yerinə cəlb olunmuş müvafiq yerli qurumlarının əməkdaşlarının və Fövqəladə Hallar Nazirliyinin yanğından mühafizə dəstələrinin səyləri nəticəsində avqustun 11-də səhər saatlarında söndürülüb. Yanğın nəticəsində 2 hektar ərazidə quru ot və kol örtüyünə ziyan dəyib.
Hazırda yanğının səbəbləri və dəymiş ziyanın müəyyən olunması istiqamətində iş aparılır.
Bölmənin digər xəbərləri
