Mehmanxana əməkdaşları üçün kurslar təşkil olunacaqdır
Bakı, 12 oktyabr (AZƏRTAC). Oktyabrın 22-dən 31-dək Azərbaycanın Mədəniyyət və Turizm Nazirliyi ilə Türkiyə Mədəniyyət və Turizm Nazirliyi arasında mövcud əməkdaşlığa əsasən qardaş ölkənin turizm mütəxəssisləri ölkəmizdə fəaliyyət göstərən mehmanxana əməkdaşları üçün təlim-tədris kursları keçəcəklər.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, turistlərə göstərilən xidmətin keyfiyyətinin artırılması məqsədilə təşkil edilən kurslar mehmanxana idarəçiliyi, qeyd-qəbul, xadiməlik, masa xidmətləri ixtisasları üzrə aparılacaqdır.
Azərbaycan Turizm İnstitutunda təşkil ediləcək təlim-tədris məşğələlərini Türkiyədən gəlmiş peşəkar mehmanxana mütəxəssisləri aparacaqlar.
Bölmənin digər xəbərləri
