“Microsoft”un “Office” və “Windows” məhsullarına təsir edən boşluq aşkarlanıb
Bakı, 17 avqust, AZƏRTAC
“Microsoft”un “Office” və “Windows” məhsullarına təsir edən boşluq (CVE-2023-36884) aşkar edilib.
AZƏRTAC xəbər verir ki, bu barədə Elektron Təhlükəsizlik Xidməti məlumat yayıb.
Məlumata əsasən, boşluq “Microsoft”un “Office” və “Windows”un uzaqdan kod icrası zəifliyidir. Bu boşluqdan müvəffəqiyyətlə istifadə edən kiberdələduz xüsusi hazırlanmış “Microsoft Office” sənədi vasitəsilə ixtiyari kodu icra etmək üçün imkan əldə edir.
Boşluğun istismarı kiberdələduza ixtiyari kod icra etməyə, fərdi məlumatları ələ keçirməyə, dəyişdirməyə və silməyə imkan verir.
Təsirə məruz qalan məhsulların ən son versiyaya yenilənməsi tövsiyə olunur.
Bölmənin digər xəbərləri
