SİYASƏT
Murmansk vilayəti federal məhkəmələrinin andlı iclasçılığına namizədlər arasında həmvətənlərimiz də vardır
Bakı, 24 avqust (AZƏRTAC). Murmansk vilayəti Hökumətinin qərarına görə, 2013-2016-cı illər üçün andlı iclasçılığa namizədlərin siyahılarının tərtib edilməsi üzrə komissiya öz işini başa çatdırmışdır. Siyahıda olan 1206 nəfərin arasında həmvətənlərimiz Pərvanə Atayeva, Şahlar Mirzəliyev və başqalarının da adları vardır. Bu barədə AZƏRTAC-a Azərbaycan diasporunun nümayəndəsi Əlihüseyn Şükürov məlumat vermişdir.
Siyahı Rusiyanın Murmansk vilayətinin qubernatoru tərəfindən təsdiq olunduqdan sonra “Severomorsk şəhəri bələdiyyə qurumunun administrasiyası” rəsmi saytında yerləşdiriləcək və KİV-də dərc ediləcəkdir.