Murmansk vilayətində “Yeniyetmə-miqrant” sosial-profilaktika əməliyyatı başlanmışdır
Bakı, 10 sentyabr (AZƏRTAC). Cari il sentyabrın 10-dan Murmansk vilayətinin ərazisində miqrasiya qanunvericiliyinə əməl olunmasına nəzarət edilməsinə, habelə əcnəbi uşaqların hüquqlarının qorunmasına yönəldilmiş “Yeniyetmə-miqrant” kompleks profilaktika əməliyyatı başlanır.
Əməliyyat Yetkinlik yaşına çatmamışların işləri və onların hüquqlarının müdafiəsi üzrə komissiya tərəfindən təhsil idarəsi, hüquq mühafizə orqanları və səhiyyə müəssisələri ilə birlikdə keçirilir.
Əməliyyat çərçivəsində məktəbəqədər uşaq tərbiyə və təhsil müəssisələrinə getməyən, qüvvədə olan qanunvericiliyin ziddinə əmək fəaliyyəti ilə məşğul olan, həyat şəraiti ağır olan və ya Rusiya Federasiyası ərazisində qeydiyyatda olmayan xarici ölkə vətəndaşı olan uşaqların aşkara çıxarılması tədbirləri keçiriləcəkdir.
Əməliyyata oktyabrın 16-da Yetkinlik yaşına çatmamışların işləri üzrə komissiyanın geniş iclasında yekun vurulacaqdır.
Bölmənin digər xəbərləri
