Naftalan şəhərinə infotur təşkil olunacaqdır
Bakı, 3 mart (AZƏRTAC). Martın 5-6-da Mədəniyyət və Turizm Nazirliyi “Ata Turizm” şirkəti ilə birlikdə Naftalana müalicəvi turizm üzrə infotur təşkil edəcəkdir.
Nazirliyin mətbuat xidmətindən AZƏRTAC-a bildirmişlər ki, Azərbaycanda 2011-ci ilin “Turizm ili” elan olunması ilə bağlı regionlarda bu sahənin müxtəlif növlərini inkişaf etdirmək, turizm xidməti obyektlərinə yerli turizm şirkətlərinin mütəmadi səfərlərini təşkil etmək, eyni zamanda, daxili turizm bazarının fəallığını artırmaq məqsədi ilə Naftalan rayonuna təbliğat xarakterli səfər təşkil edilir.
Səfərin məqsədi Naftalan şəhərinin turizm imkanlarının yerli turizm şirkətlərinə və KİV nümayəndələrinə tanıdılmasıdır. İnfoturda 50 nəfərlik heyətin iştirakı nəzərdə tutulur. Heyət iki gün ərzində Naftalanda fəaliyyət göstərən mehmanxana və sanatoriyalarla tanış olmaq imkanı qazanacaqdır.
Bölmənin digər xəbərləri
