Naxçıvan şəhərində payız-qış mövsümünə hazırlıq işləri görülür
Naxçıvan, 12 sentyabr, AZƏRTAC
Naxçıvan şəhərinin istilik, qaz, elektrik, rabitə və digər xidmət sahələrində payız-qış mövsümünə hazırlıq işləri davam etdirilir.
AZƏRTAC-ın Naxçıvan bürosu xəbər verir ki, istilik təsərrüfatında çatışmazlıqlar aradan qaldırılır, qazanxanaların təbii qazla yanaşı, mazut və dizel yanacağı ilə işləyə bilməsi təmin olunur. Fasiləsiz işləməsinin təmin olunması məqsədilə mərkəzləşdirilmiş və fərdi qazanxanalara texniki baxış keçirilib, elektrik, təbii qaz, su və istilik xətləri təmir edilib.
Qeyd edək ki, payız-qış mövsümündə Naxçıvan şəhərində 5 mərkəzləşdirilmiş, 38 fərdi qazanxana vasitəsilə 173 yaşayış binasında 7634 mənzil və 30 inzibati bina istiliklə təmin olunacaq.
Bölmənin digər xəbərləri
