Naxçıvanda yol qəzası baş verib, 2 nəfər xəsarət alıb
Naxçıvan, 27 mart, AZƏRTAC
Naxçıvan-Sədərək magistralında yol-nəqliyyat hadisəsi baş verib.
AZƏRTAC-ın Naxçıvan bürosu xəbər verir ki, hadisə Kəngərli rayonu ərazisində qeydə alınıb. Sədərək rayon sakini Əhmədov İlqar Rzaqulu oğlunun idarə etdiyi 68-BF-363 dövlət nömrə nişanlı "VAZ-2107" markalı avtomobillə Kəngərli rayonu Xok kənd sakini Bağırov Adıgözəlin idarə etdiyi 74-BA-593 dövlət nömrə nişanlı "VAZ-2106" markalı avtomobil toqquşub. Hadisə nəticəsində hər iki sürücü xəsarət alıb. Onlar Naxçıvan Mərkəzi Xəstəxanasına yerləşdiriliblər.
Faktla bağlı araşdırma aparılır.
Bölmənin digər xəbərləri
