NBA: Qərb Konfransının lideri mövqeyini möhkəmlədib

17.03.2025 [11:09]
Çap et
A⁺ A^-

Bakı, 17 mart, AZƏRTAC

ABŞ-ın Milli Basketbol Assosiasiyasında (NBA) növbəti oyunlar keçirilib.

AZƏRTAC xəbər verir ki, ötən gecə daha beş qarşılaşma təşkil olunub.

Günün mərkəzi görüşündə “Oklahoma-Siti Tander” səfərdə "Miluoki Buks"u 121:105 hesabı ilə məğlub edib. Qalib komandanın ən məhsuldar oyunçusu 31 xalla kanadalı Şai Gilgeus-Aleksander olub. İsaya Hartenşteyn 24 xal və 12 ribaund, İsa Co 19, Çet Holmqren 16 xalla yadda qalıb. Meydan sahiblərinin heyətində Yannis Adetokunbo 21 xal, 12 ribaund və 10 asistlə tripl-dabl edib. Damian Lillard 19, Qari Trent 12 xal toplayıb.

Bu nəticədən sonra “Oklahoma-Siti Tander” Qərb Konfransının turnir cədvəlində liderliyini möhkəmlədib. "Miluoki Buks" isə Şərq Konfransında dördüncü pillədə qərarlaşıb.

Matçların nəticələri

“Bruklin Nets” - “Atlanta Huks” – 122:114

“Minnesota” - “Yuta Cazz” – 128:102

"Miluoki Buks" - “Oklahoma-Siti Tander” – 105:121

“Portland Treil Blazers” - "Toronto Raptors” – 105:102

“Los-Anceles Klippers” - “Şarlot Hornets” – 123:88.