Niger qonşu ölkələrlə sərhədlərini yenidən açıb
Bakı, 2 avqust, AZƏRTAC
Nigerin hərbi hakimiyyəti beş qonşu ölkə - Əlcəzair, Burkina Faso, Liviya, Mali və Çad ilə quru və hava sərhədlərini yenidən açıb.
AZƏRTAC xəbər verir ki, bu barədə France24 telekanalı Niger ordusunun nümayəndəsinə istinadla məlumat yayıb.
Sərhədlərin açıldığı Fransanın birinci təxliyə təyyarəsinin yola düşməsindən bir neçə saat sonra elan olunub. Fransa Baş Qərargahı 1500 fransız əsgərini Nigerdən geri qaytarmaq planının olmadığını, təxliyə əməliyyatının yalnız mülki şəxslərə şamil edildiyini bildirib.
Paris artıq həmvətənlərini və digər Avropa ölkələrinin vətəndaşlarını təxliyə etmək üçün Nigerin paytaxtı Niameyə üç təyyarə göndərib.
Nigerin sərhədləri ölkədə hərbi çevrilişin baş verdiyi günün ertəsi - iyulun 27-dən bağlı idi.
Xatırladaq ki, Niameydə Fransanın regiondakı ən iri aviabazası yerləşir. Ölkə ərazisində Almaniya, İtaliya və ABŞ-a məxsus hərbi bazalar da var.
Bölmənin digər xəbərləri
