NİZAM-INTİZAM KOMİTƏSİ GÜCLÜLƏR DƏSTƏSİNİN BƏZİ FUTBOL KOMANDALARINI CƏZALANDIRMIŞDIR
AZƏRTAC AFFA-ya istinadla xəbər verir ki, nizam-intizam komitəsinin qərarına əsasən, avqustun 25-də XVI Azərbaycan çempionatının güclülər dəstəsində keçirilmiş «Standard» - «Masallı» komandaları arasında oyun zamanı «Masallı» klubunun 4 oyunçusu sarı vərəqə ilə cəzalandırıldığına görə, klub 1000 manat məbləğində cərimə olunmuşdur.
«Bakı» - «İnter» komandalarının oyunu ərzində də «İnter» komandasının 4 oyunçusu sarı vərəqə ilə cəzalandırılmışdır. Nizam-intizam komitəsinin qərarı ilə klubu 1000 manat məbləğində cərimə gözləyir.
Bundan başqa, avqustun 26-da ölkə çempionatının yüksək dəstəsində keçirilmiş «Neftçi» - «Qəbələ» oyunu ərzində «Qəbələ» komandasının 4 oyunçusuna sarı vərəqə verildiyi üçün, bu klub da 1000 manat məbləğində cərimələnmişdir.
Bölmənin digər xəbərləri
