Nizami Gəncəvi Beynəlxalq Mərkəzi Qlobal Bakı Forumuna hazırlıq toplantısı keçirib
Bakı, 23 iyul, AZƏRTAC
Nizami Gəncəvi Beynəlxalq Mərkəzi XXVI Ali Səviyyəli Toplantısı və XI Qlobal Bakı Forumuna hazırlıq toplantısı keçirib.
Bu barədə AZƏRTAC-a Nizami Gəncəvi Beynəlxalq Mərkəzindən bildirilib.
Mərkəz cari ilin iyun ayında BMT-nin Baş Katibi Antonio Quterreş və bir sıra BMT agentliklətinin rəhbərləri ilə görüşlər keçirib.
Bu görüşlərin nəticəsi olaraq Mərkəz iyul ayında mövcud əməkdaşlıqların möhkəmləndirilməsi istiqamətində müzakirələr aparmaq məqsədi ilə BMT qurumlarının rəhbərləri ilə yüksək səviyyəli toplantılar keçirməkdədir.
Nümayəndə heyəti BMT Baş Assambleyasının 77-ci prezidenti (cari) cənab Ksaba Korosi, 78-ci prezidenti (seçilmiş) cənab Dennis Fransis, BMT İnkişaf Proqramının Administratoru cənab Açim Steyner, ABŞ-ın Xarici Siyasəti üzrə Milli Komitəsinin baş icraçı direktoru və prezidenti xanım Suzan Elliot və BMT-nin Sivilizasiyalar Alyansının Ali Nümayəndəsinin ofisi ilə görüşlər keçirib.
Bu görüşlərdə Mərkəzi həmsədr və Dünya Bankının sabiq vitse-prezidenti Dr İsmail Səragəldin, Bosnia və Herzeqovinanın sabiq Baş Naziri və BMT səfiri Zlatko Laqumdziya, Baş katib Rövşən Muradov təmsil ediblər.
Görüşlər zamanı Mərkəzin sentyabr ayında Nyu-York şəhərində BMT Baş Assambleyası çərçivəsində baş tutacaq XXVI Ali Səviyyəli toplantısı, 2024-cü ilin martında baş tutacaq XI Qlobal Bakı Forumunun hazırlıq mərhələsi ilə bağlı müzakirələr aparılmışdır.
Bölmənin digər xəbərləri
