ÖLÜMLƏ NƏTİCƏLƏNƏN AĞIR YOL-NƏQLİYYAT HADİSƏSİ BAŞ VERMİŞDİR
Baş Dövlət Yol Polisi İdarəsindən müxbirimizə bildirmişlər ki, Xudat istiqamətindən gələn Bədirqala kənd sakini İlkin Əhmədova məxsus “Jiquli”nin Bakı şəhər sakini Həsən Əliyevin idarə etdiyi “Qaz-24” markalı avtomobilin qarşısına çıxması toqquşmaya səbəb olmuşdur. Nəticədə “Jiquli”də olan sərnişinlərdən Azər Bədəlov, onun qardaşının ailəsi - Lalə Gülbədəlovanın 6 aylıq oğlu Əmrah yerindəcə keçinmiş, qadının özü, 14 və 7 yaşlı qızları Svetlana və Pərvanə ciddi xəsarət almışlar. Qəzadan beyin zədəsi alan və ağır vəziyyətdə xəstəxananın reanimasiya şöbəsinə yerləşdirilən Svetlana da bir neçə saatdan sonra dünaysını dəyişmişdir. Hadisə yolun buzlu və sürüşkən olmasından törənmişdir.
Rayon polis şöbəsində faktla bağlı təhqiqat aparılır.
Bölmənin digər xəbərləri
