Ötən il 5,57 milyon Azərbaycan vətəndaşı xaricə səfər edib
Bakı, 14 sentyabr, AZƏRTAC
2019-cu ildə xarici ölkələrə səfər edən Azərbaycan vətəndaşlarının ümumi sayı 13,4 faiz artaraq 5,57 milyon nəfər olub.
AZƏRTAC “İllik turizm statistikası 2019”a istinadla xəbər verir ki, Azərbaycan vətəndaşlarının əsas səfər etdiyi ölkələr İran, Gürcüstan, Rusiya, Türkiyə və Ukrayna olub. Bu ölkələr 2019-cu ildə ümumi səfərlərin 95 faizini əhatə edib.
Azərbaycan vətəndaşları xarici ölkələrə əsasən istirahət məqsədilə səfər ediblər. İstirahət məqsədilə edilən səfərlər ümumi xarici səfərlərin 29 faizini təşkil edib. Getmə turizmində ümumi xərclərin həcmi 2,4 milyard AZN təşkil edib ki, bura nəqliyyat (29,6 faiz), yerləşmə (19,3 faiz), qidalanma (16,6 faiz), alış-veriş (24,2 faiz) və digər xərclər (10,3 faiz) daxildir.
Bölmənin digər xəbərləri
