Ötən il qanunvericiliyin tələblərinin pozulduğu 2 mindən çox protokol ləğv edilib
Bakı, 11 fevral, AZƏRTAC
Ötən il ərzində satınalan təşkilatlardan Antiinhisar və İstehlak Bazarına Nəzarət Dövlət Xidmətinə daxil olmuş 15 min 704 yekun protokol təhlil edilib.
AZƏRTAC xəbər verir ki, bu barədə Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli deyib.
“Qanunvericiliyin tələblərinin pozulması halları aşkar olunmuş 2259 yekun protokol dövlət xidməti tərəfindən ləğv edilib. Bu, ümumi təhlil edilən protokolların 14,4 faizini təşkil edir”, - deyə o bildirib.
Qeyd olunub ki, dövlət satınalmalarının həyata keçirilməsi zamanı maliyyə vəsaitindən səmərəli və qənaətlə istifadə edilməsi bu sahədə əsas prinsiplərdən biridir. Satınalmalar zamanı bu prinsipin gözlənilməsi effektivliyi artırır və resursların məqsədyönlü istifadəsinə imkan yaradır.
Bölmənin digər xəbərləri
