Oxuculara Azərbaycanın turizm imkanları barədə məlumat verilir
Bakı, 8 iyul (AZƏRTAC). Paytaxt Bakının rayonlarının mərkəzləşdirilmiş kitabxana sistemlərinin veb-səhifələrində mütəmadi olaraq Azərbaycanın turizm imkanları haqqında ətraflı məlumatlar yerləşdirilir.
AZƏRTAC xəbər verir ki, Suraxanı Rayon Mərkəzləşdirilmiş Kitabxana Sisteminin veb-səhifəsində yerləşdirilən “Turizmin inkişafı meylləri bu gün” məqaləsində ölkəmizdə müvafiq sahənin inkişafı üçün yaradılmış şərait, o cümlədən qanunvericilik bazası, turizm obyektlərinin tikintisi, respublikamıza turistlərin cəlb edilməsi istiqamətində həyata keçirilən tədbirlər və onların uğurlu nəticələri haqqında məlumatlar öz əksini tapmışdır.
Binəqədi rayon MKS-in veb-səhifəsində yerləşdirilmiş məqalə isə bilavasitə Xızı rayonunun təbiəti və tarixi abidələri haqqında məlumatı əhatə edir.
Bölmənin digər xəbərləri
