“Ozan dünyası” İctimai Birliyi yeni layihə üzərində işə başlayır
Bakı, 4 aprel, AZƏRTAC
“Ozan dünyası” Aşıq Yaradıcılığının Təbliği İctimai Birliyi Qeyri-Hökumət Təşkilatlarına Dövlət Dəstəyi Agentliyinin 2025-ci il üzrə kiçik qrant müsabiqəsinin qalibi kimi “Aşıqlar Qərbi Azərbaycanı tərənnüm edir” adlı layihənin icrasına başlayır.
Bu barədə AZƏRTAC-a məlumat verən “Ozan dünyası” Aşıq Yaradıcılığının Təbliği İctimai Birliyinin sədri, Əməkdar mədəniyyət işçisi Musa Nəbioğlu bildirib ki, layihənin həyata keçirilməsində əsas məqsəd Qərbi Azərbaycana qayıdış konsepsiyasına dəstək olmaqdan ibarətdir.
Layihədə nəzərdə tutulan əsas məsələlərdən biri də Qərbi Azərbaycanda və eləcə də digər bölgələrdə yaşayıb-yaratmış aşıqların poetik yaradıcılığından seçmələrdən – Qərbi Azərbaycandakı yer-yurd adlarını, qədim torpaqlarımızda yaşamış soydaşlarımıza qarşı zaman-zaman ermənilərin törətdikləri vəhşilikləri əks etdirən şeirlərdən ibarət kitab hazırlamaq və bununla həmin bölgədəki tarixi yurdlarımızın aşıq yaradıcılığında yaşadığını diqqətə çatdırmaqdır.
Bölmənin digər xəbərləri
